Hochzeitsgstanzl von Xaver Wegele,
Jakob Paula und anderen
Hochzeitsladern
1.
Grüaß
Gott liabes Brautpaar
Jetz mächt i des Gstanzlsinga probiern
und euch zu Eurer Eheschließung
recht herzlich gratuliern.
2.
Auf
einer Hochzeit lustige Gäste
und a Musi, die wo jedem gfoit
und dazua no a poor Gstanzln
wos gibt’s denn schöneres auf derer Welt
3.
Liaber
Kuni, jetz host gheirat,
so wia sich des ghört:
Jetz is jeder €uro
bloß no fufzig Cent wert.
4. Ja du liaber Kuni,
Du host die heut wirklich traut,
i mächt dir gratuliern,
du host die allerschönste Braut
5. Als Hochzeitslader,
do mächt i euch
ihr werds as scho vertrong
a poor grundlegende Dinge
über den Ehestand song.
6. Der Herr sprach zum
Brautpaar
in der Hochzeit zu Kanaan,
die Frau sei stets folgsam
und ihrem Manne untertan.
7. Wenn ma verheiratet
is,
soll man einander lieben und ehren
Die Frau soll dem Manne
keine Wünsche verwehren.
8.
Der
Kuni sagt, wenn i verheirat bin;
tua i weiterhin des wos i mog,
des oanzige is,
dass die Walli z´erst frog.
9.
Seine
Frau soll man stets loben,
ja wenigstens ab und zua
aber der Kuni ist der Meinung:
„net gschimpft is globt gnua!“
10. Bei der Eheschließung
do schwört man:
„ich bleib dir für immer treu.“
Mancher Bräutigam aber denkt sich:
„Na schaung ma amoi.“
11. Uns Männer is oft net
klar,
was sich hinterm Heiratn so verbirgt.
für manche is des a Geißelnahme,
wo sogar der Pfarrer mitwirkt. xw
12. Wer verheirat is der
lebt länger,
des hot ma´ no gmoant vor 20 Johr.
inzwischn homs rausgfundn,
des kimmt oam bloß vui länger vor.
13. Ja Frührers hat sich
des Brautpaar
scho lang auf d’Hochzeitsnacht gfreit
heit hocka sie sich ins Bett nei
und zähln bloß ´as Geld
14. Frühres hot mag sagt,
die Frau soll guat kocha
weil, die Liebe geht durch den Mong
Heutzutags sans scho zfriedn,
wenns an guaten Pizza-Service hom.
15. Und gibt’s in der Ehe
ab und zua amoi an Krach
dann denkts an des Sprichwort
die Klügere gibt nach.
16. An oidn Junggselln
nomoi zum Heiratn bringa
is a schware Geburt
kaum siehgt er v d Freindin s‘Sparkassnbüacherl
dann is er glei wieder furt.
17. Wenn ma heirat, liabe
Männer,
i sog des pfei´grod,
do kann ma sich alle Sorgen teilen,
die wo ma vorher gor net hot.
18. Ja und wenn ma oane
heirat,
des is genauso wia mit der W a r e
denn – ob ma wos gscheits kriagt hot
des merkt ma aa erst im Lauf der Jahre.
19. Bei Kartoffiklaum do
muasst di bucka
und in der Wirtschaft zammadrucka
beim Arbatn do muaßt die plong
und wenn verheirat bist, do host nix z’song.
20. Ja der Kuni is a
braver Ehemann
i glaub, dass ma des scho kennt,
do braucht die Walli bloß a weng pfeifa
na kimmt der Kuni scho grennt.
21. Der Kuni sagt mit
meiner Walli
tua i mi öfters amoi a weng zkriang
sie redt oiwei von Vögln
und i sieh’g koan fliang.
22. Es gibt Ehemänner die
san ja
im Spekuliern wirklich groß
wenn eahna Frau jeds Johr 5 Kilo abnimmt
dann bist du’s in 13 Johr los.
23. Ja und unsere Frauen,
des is ja aa bekannt
die hom alle die Stoffwechselkrankheit
die braucha jede Wocha a neies Gwand.
24. Wennst a jungs Madl
siehgst,
sagt d` Frau dann vergisst,
dass mit mir, sagt sie,
verheirat bist,
Ganz im Gegenteil,
sagt do der Mo,
do denk i erst
recht wieder dro.
25. Im Mai balzt der
Auerhahn,
des is so sei Zeit,
der Mann is do besser dro
der balzt wenns’n gfreit.
26. Neili hot oana gsagt:
Heiratn
des tua i nia im Le’m
i wer‘ doch net wenig oanara Henna
an ganzn Hennastoi aufgehm.
27. Do solls a manche
Männer gehm
die songs kerzngrod
daß´sie am Adam a wenig neidisch san
weil der koa Schwiegermutter ghabt hot
28. Neili hob i mein
Freind gfragt,
is dir dei Frau dovo,
i hobs nämlich scho
lang nimmer gsehng.
Na hot er gsagt: dia kimmt
bestimmt wieder hoam,
weil i hob no nia a
Glück ghabt in mei’m Lebm
29. Wennst zu Beichtn
gehst
und tust zum Pfarrer song
Herr verzeihe mir,
i hob mei Oide gschlong
sagt der beichte deine Sünden,
ach du armer Wicht
deine guten Taten
interessiern mich nicht.
30. Wennst zum Doktor
gehst
und er verbiat dir ‘s racha,
und ‘as trinka des
verbiat er aa no nacha,
die guate Brotzeit,
ja dia schafft er aa no o,
aber arbatn
des derf ma scho.
31. Ja in àm
Kleiderschrank von unsere Frauen
san die Mottn scho ausgstorbm
weil s` mit die String-Tangas und die kloana Unterhosn
fast nix z`Fressen mehr hom
32. Manchmoi waars gor
net schlecht
wenn ma an ISLAM hättn in Bayern,
dann kannt ma die schiachn Weiber
glei alle mitanand verschleiern.
33. Neili homs im Wald
draus a Skelett gfunden,
des war bloß no Haut und no Haar,
des muaß a Frau gwesn sei, weil as Unterkiefer
ganz ausgleiert war.
34. Wenn uns die
Weiberleit oiwei ärgern
ja des wurmt uns scho wirklich - sehr.
jetz -- wenn wieder amoi -Sperrmüll is,
ja dann gehm mas glei her
35. Ja mir san Bayern und
mir tuan gern feiern
mir tuan gern rinka und mia tuan gern singa
und wenns net so anstrengend waar
na tat ma ganz gern arbatn aa
36. Jetz muass i wieder
aufhörn mitm Singa
sonst moant des Brautpaar ganz gwiss,
dass des Heiratn und der Ehestand
so wos fürchterlichs is.
37. Zum Schluss mächt ich
euch nomoi gratulieren:
viel Glück und bleibts gsund,
i wünsch eich a scheens Lebn
und für heit no a poor scheene Stund.
38. I mächt mi jetz no
bedanken
liabe Gäste und liabe Leit
bei so am nettn Publikum
macht des Gstanzlsinga halt echt a Freid.
ENDE