Geburtstags-Gstanzel
(Geburtstags-Gstanzl)
ausgedacht von Xaver Wegele
1.
Grüaß
Gott liabe Gäste,
mir wollns jetz probiern –
und dir lieber Kuni heut mit Gstanzln
zum Sechzigsten gratuliern.
2.
Ja
Kuni, jetz bist du sechzig;
man siehgts dir no gar net oo
du schaust ja wirklich no so jung aus
wia mit 59 Johr
3.
Ja
liaber Kuni, jetz bist 6 0 Johr oid
wer hättn des -- denkt
i woaß no guat, do bist bei der Muatta
no am Rockzipfi ghängt.
4.
Der
Kuni sagt, I bin scho 60 Johr oid,
des is scho a Graus
aber die nächsten 6 0 Johr,
die halt I aa no leicht aus.
5.
Ja
liabe >Leit, - a so a große Feier
do kunnt mi der >Kuni glei a weng derbarma
aber so >schlimm is des ja >aa wieder net
weil, es trifft ja aa koan Arma.
6.
Ja
du schaugst no guat aus,
und du bist oiwei no fit,
i glaub aa beim Bergwandern
halt net leicht oaner mit dir mit.
7.
Der
Kuni feiert heit scho den ganzn Tog lang
i glaub dass eahm scho boid glangt,
z’erst hob i scho amoi gmoant,
dass er scho ´s Schiagln oofangt.
8.
Der
Kuni sagt, mit 60
fühl i mi oiwei no wia König
i hob zwar a wenig zuagnomma
und die Hoor wern schee langsam wenig.
9.
Der
Kuni sagt: 60 Johr,
des no koa Alter für an Mo.
Die junga hübschn Frauen
schaug i oiwei no gern oo.
10.
Dass
du mit 60 Johr no so fit bist,
ja des is scho a bisserl ungewohnt,
aber die letztn 20 Johr ja do hot dich
die Leni ganz schee gschont.
11.
Des
Morgengebet vom Kuni
des kenna mir ganz genau:
Des hoaßt: Erhalte mir die Gesundheit
und die Arbeitskraft meiner Frau
12.
Seit
fast 20 Johr do is der Kuni
jetzat scho Pensionär
doch bei der Hilfe im Haushalt,
ja da jammert er oiwei schwer:
13.
Er
hot gmoant, wenn ma pensioniert ist
do hot mas dann scheener als Mo
Aber sei Frau die Leni
schafft eahm an ganzn Tog wos oo.
14.
Ja
der Kuni is a braver Ehemann
i glaub, dass ma des scho kennt,
do braucht die Leni bloß Kuuuni schrein
na kimmt er scho grennt.
15.
Aber
der Kuni sagt, i tua wos wui
und i tua wos i mog
des oanzige is -
dass i die Leni z´erst frog
16.
Der
Kuni sagt, mei Weiberl
mog i bei Tog und bei der Nocht
ja weil die Leni
halt gor so guat kocht.
17.
Dahoam
hat der Kuni
a scheene Terrassn vor am Haus
wenn ma im Sommer vorbeifahrt, sitzns an ganzn Tog
beim Weintrinka draus.
18.
Da
Pfarrer in da Kircha
spritzt d'Leit mit Weihwasser ei,
wenn der Kuni zufällig amoi in Kircha neikimmt,
taucht er b'sonders tiaf ei.
19.
Der
Kuni und die Leni
san aus am ganz besonderen Holz
auf ihre 3 Enkerln
ja do sans sie recht stolz.
20.
I
taat scho no a weng wos wissen
vom Urlaub und so allerhand.
Aber jetz muass i dann aufhörn
i glaub scho, dass glangt.
21.
Lieber
Kuni, bleib so wie du bist
mir taatn uns alle gfrein
Do werrd dir halt auch
nix anderes überig bleim.
22.
Genieß
weiterhin dein Leben,
Jeden Tag und jede Stund
I wünsch Dir zum Schluss noch
viel Glück - und bleib gsund.
23.
I
mächt mi jetz bedanken
liabes Geburtstagskind und liabe Leit
bei so am netten Publikum
do macht des Gstanzlsinga halt a Freid.
ENDE